Connect with us

Sosbud

Bupati jeung Puisi


GEDONG Kasenian Tasikmalaya (GKT) diadegkeun taun 1998 kalawan istiméwa. Minangka pangbagéa pamaréntah pikeun para seniman. Sanajan aya waé ari pakétrok mah.

Keun waé, da éta mah dinamika kasebutna. Ari béda kamandang mah geus ilahar. Nu penting mah kumaha sangkan komunikasi antara pamaréntah jeung seniman teu kateug.

Badan Pangurus Gedong Kasenian Tasikmalaya (BPKT), kungsi dikokolakeun ku Enung Sudrajat (almarhum).

Harita kawilang obyag. Teu sirikna unggal minggu aya pintonan kasenian. Reremenna mah téater. Diselang ku kagiatan lian, di antarana sawala budaya, musikalisasi sajak, pintonan kasenian tradisi, musik ogé teu kaliwat.

Katambah aya Komunitas Budaya Tasikmalaya (Kobuta), nu ngahucuhkeun sangkan kasenian teu diapilainkeun. Para seniman ngilu aub dina ieu simpay. Nu jadi rereged dipadungdengkeun.

Nepi ka dina hiji mangsa, Bupati Tasikmalaya harita, H. Suljana kungsi didongsok sangkan maca puisi di GKT. Sastrawan Acép Zamzam Noor ogé ngilu nyaksian.

Ti wangkid 28 Agustus nepi ka 20 Désémber 2014, GKT dioméan. Salila lima bulan mah moal bisa dipaké. Saheulaanan mah sagala rupa pintonan kasenian dipindahkeun ka Gedong Sukapura, Gelanggang Generasi Muda, atawa ka Gedong Susi di komplék Dadaha. Kitu iber nu disalabarkeun ku Pupuhu BPGKT ayeuna, Irvan Mulyadi tur dienyakeun ku Kepala Dinas Budaya, Pariwisata, Pemuda dan Olah Raga, RA Mahmuda.

Geus waktuna GKT dioméan.Da asana mah geus aya kana welasan taunna can dikua-kieu. Iwal ti dibebener sautak-saeutik mah, saperti ngecét ganti talang jeung kenténg. Ari wangunan sapuratina mah cang kungsi aya béja.

Teu ngabibisani, lain perkara gampang ngarugal-rigel waragad pangwangunan téh. Matak GKT nepi kaluli-luli ogé. Bisa jadi nu jadi salah sahiji cukang lantaran, can aya nu nalingakeun nepi ka gemet, sangkan widang kabudayaan teu kasilih ku widang lian nu sarua pentingna. Komo nepi ka nyarungsum strategi kawijakan kabudayaan di Tasikmalaya mah, jigana can karoris. Cohagna nepi ka ngaréngkol, écés dina daftar isian projek daerah (Dipda).

Sugan jeung sugan, réhabilitasi GKT jadi cukang lantaran. ***


Lanjutkan

KAPOL

Terkait...
1 Komentar

1 Komentar

Komentari

Alamat email Anda tidak akan dipublikasikan. Ruas yang wajib ditandai *

Sosbud

  • Sosbud

    BBM Ampuh

    PENGARUH naiknya harga bakar minyak (BBM) ternyata ampuh. Mengatrol harga-harga komoditas lain. Tetapi tidak bila harga...

  • Sosbud

    Sekadar Hari Antikorupsi

    HARI Antikorupsi Dunia, Selasa (9/12/2014), jadi momentum refleksi semua pihak. Pergerakan Mahasiswa Islam Indonesia (PMII) Kota...

  • Sosbud

    Media Sunda Lawas ti Tasikmalaya

    KABEUNGHARAN inteléktual urang Tasikmalaya, di antarana ngaréngkol dina ngokolakeun média. Lian ti koran Sipatahoenan anu gumelar...

  • Sosbud

    Wan Orlet: Soal Becak

    WAWAN Rudiat atau lebih dikenal dengan Wan Orlet, hatinya tak sekeras dunianya. Sehari-hari bergelut dengan dunia...

  • Sosbud

    Tradisi "Enam" Penyair Tasikmalaya

    BERGELUT dengan kata, tidak lantas membuat seseorang dinobatkan menjadi pu­jangga. Setiap saat orang menggunakan bahasa untuk...

  • Sosbud

    Cahaya Bulan di Buruan

    DULU, tak usah repot mencari taman tempat bermain. Lantaran nyaris di setiap rumah, ada buruan. Pekarangan...

Terhangat

BÉDA rasa, kecap 'nangtung', 'dahar', saméméh dianteur ku kecap 'jung' jeung 'am'. Kecap anteuran ngagambarkeun mimiti migawé. Kecap 'dahar' bisa waé ditapsirkeun eukeur atawa geus dahar. Tapi mun 'am dahar', nu kacipta téh ngamimitian ngahuap. Sarua jeung trét nulis. #preposisi

About 14 hours ago from Duddy RS | Solilokui's Twitter via Twitter for Android

Ke Atas
%d blogger menyukai ini: