Connect with us

Metrum

Ngiuhan

rainydayHUJAN ngecrek. Teu saeutik nu kukulutus, alatan ketakna kateug. Kaluman rék kaluar ogé. Najan sawaréh geus biasa indit-inditan maké mobil, angger waé rumahuh.

Sok waé imeutan, waragad operasional jadi ngabeukahan. Ngamandian mobil anu keur usum halodo mah cukup ku sakali saminggu. Keur usum hujan kieu mah  teu sirikna kudu unggal usik.

Lantaran cihujan ngandung uyah jeung mineral nu ngahudang renungna tihiang. Salahsahiji ngungkulanana, taya lian ku diberesihan ku cai anu nétral.

Teu saeutik nu asa mokaha, ngahujankeun mobil atawa motor téh. Nya itung-itung ngamandian téa ti dituna mah. Boga angkeuhan yén hujan téh cai nu sarua jeung cai biasa.

Nu boga mobil waé, angger waé riweuh ku usum hujan mah.  Humandeuar. Luhlah. Komo nu sapopoé nikreuh, tumpak sapédah atawa motor. Nya, wayahna waé kudu daék riba. Tatahar jas hujan.  Lamun keur di jalan ngadadak hujan, nyisi.  Néangan nu iuh.

Sakapeung mah apan sok sangheuk, masang jas hujan téh. Komo anu dibajucalanakeun mah. Wararegah. Rarasaan asa keur maké baju jeung calana satutasna mandi. Bulucun.

Dina handapeun jok, jas hujan teu ditoél-toél acan. Nyisi ka buruan ruko nu hateupna ngalogodor ka hareup. Atawa di mana waé. Nu penting mah teu kabanjur ku cihujan. Mising di gardu ronda ogé teu jadi sual.

Nu pangeunah-ngeunahna ngiuhan saalam dunya mah nya taya deui, iwal di imah sorangan. Sabataé. Bisa sangeunahna. Rék gogoléran atawa ngabaheuhay dina korsi bari lalajo tipi. Atuh anu resep mésbuk ogé tumaninah apdét status.

Kacipta, najan hujan ngagebrét dordar gelap ogé, ari aya di imah mah asa genah. Kari kulutrak ka pawon, ninyuh kopi. Hawa tiris nu nerekab téh nyinglar dadak sakala. Home sweet home. Imah kuring sawarga kuring.

Rasa aman, anugrah ni’mat nu taya papadana. Imah salah sahiji nu jadi cukang lantaranana. Genah tumaninah, pikiran béngras. Wajib sukuran, nu bisa kénéh ngararasakeun nimatna ngiuhan di imah séwang-séwangan, mangsa hujan ngagebrét teu eun-eunan. ***

Lanjutkan
Terkait...
Komentari

Tinggalkan Balasan

Metrum

  • Metrum

    I will be missing You #TerimakasihPath

    KECERIAAN Friendster dan kehangatan Multiply telah berlalu. Layanan mikroblog dan blog dalam jaringan itu sudah bubar...

  • Lorong

    Pulitik Daun Hanjuang

    NGARANNA ogé hajat. Satutas lekasan mah layar-layar diturunkeun. Keun urang teundeun di handeuleum sieum, tunda di...

  • Metrum

    Perihal Kabar Pilkada

    GRUP Kabar Pilkada (KP) diluncurkan 8 Februari 2012, lima bulan menjelang Pemilihan Umum Kepala Daerah Kota...

  • Metrum

    Hijrah Kala

    PERAYAAN tahun baru dari masa ke masa selalu disambut dengan hangat. Fakta itu tak bisa dibantah....

  • Metrum

    Orasi dan Puisi

    TAK ada angin tak ada hujan perbincangan para aktivis mahasiswa menukik tajam pada naluri paling dasar....

  • Metrum

    Rekognisi Desa

    LARIK-LARIK nyanyian Desaku karya Liberty Manik masih terngiang hingga kini. Lagu itu jadi andalan saat disuruh...

Ke Atas