Connect with us

Pamekar Basa

Urang Sunda nu Munggaran Naék Haji


CIK aya nu terang, iraha urang Sunda mimiti naék haji? Siga nu teu sapira nya? Padahal mah penting kacida nyusul tepus asbabunujul téh. Komo deui, ibadah haji téh Rukun Islam anu kalima. Anu kahiji sahadat, kaduana solat, katilu puasa, kaopat jakat, jeung nu pamungkas, anu kalima, ibadah haji. Lamun apal kana sajarah mah ibadah téh bakal leuwih husu jeung daria.

Saméméh abad ka-20, dina naskah Carita Parahyangan disebutkeun, jalma nu munggaran naék haji téh Déwa Bratalegawa, turunan Raja Galuh. Anjeunna sok ngumbara. Lian ti ngaprak nusantara ogé nepi ka mancanagara. Di antarana waé Sumatra, India, Srilanka, jeung nagara-nagara Arab.
Satuluyna kacaritakeun Déwa Bratalegawa jatukrami atawa nikah jeung wanoja urang Gujarat, jenenganana Farhana Binti Muhammad.

Harita pisan Déwa Bratalegawa asup agama Islam. Satutasna nyacapkeun ibadah haji taun 1337 Maséhi, Déwa Bratalegawa katelah sok disebut Haji Purwa, lantaran jadi urang Sunda munggaran nu naék haji.

Lian ti ditembrakkeun dina Carita Parahyangan, aya ogé carita ngeunaan putrana Sri Baduga Maharaja, Prabu Siliwangi, nu naék haji antara taun 1446-1447. Nyaéta Walangsungsang, raina Nyi Rara Santang.

Nyi Rara Santang nikah sareng Syarif Abdullah bin Nur Alam bin Jamaluddin Akbar, ulama ti Gujarat India. Tah, ti dinya Rara Santang ngababarkeun Syarif Hidayatullah, nu ayeuna katelah Sunan Gunung Jati téa.

Kabéhdieunakeun, ibadah haji geus jadi kacapangan umat Islam Indonésia. Unggal taun nu ibadah haji ngabrul, antré. Nungguan bagéan, bakat ku loba téa. Da lamun miang sadaya mah moal kaangkut ku kapal terbang.

Gaya apan ayeuna mah naék haji téh naék pesawat. Kapungkur mah boro-boro. Nu aribadah haji angkleung-angkleungan di laut, naék kapal cai. Di jalanna ogé mangbulan-bulan. Malah ngajugjug ka palabuhan ogé nikreuh. Leumpang.

Kacipta, urang Ciamis leumpang ka Cirebon. Maksudna rék naék kapal laut ka Mekah. Baheula mah bebekelan téh lain ku duit cara ayeuna. Tapi mawa emas, hasil tina nabung ngajual cengkéh jeung tatanén.

Di laut ngangkleung, nepi ka genep bulan. Ngangkleung ti palabuhan nu hiji ka palabuhan nu lian. Biasana mah nu jadi pangjujugan téh Acéh. Nu rék naraék haji ngumpul di dinya, saméméh nuluykeun lalampahanana. Éta pisan naon sababna Acéh sok disebut Serambi Mekah téh.

Geuning baheula mah naék haji téh angkleung-angkleungan di jalanna ogé nya? Teu cara ayeuna, naék pesawat terbang ngan ukur sababaraha jam. Jeung deuih téréh ayeuna mah teu lila di Arabna ogé. Copélna sabulan geus bisa balik deui ka lembur. Baheula mah naék haji ogé nepi ka sataun campleng.


Lanjutkan

KAPOL

Terkait...
2 Komentar

2 Komentar

Komentari

Alamat email Anda tidak akan dipublikasikan. Ruas yang wajib ditandai *

Pamekar Basa

  • DIARY

    Sapédah Gunung, Motor, jeung Gerakan

    KARÉTA mesin, lain saukur mesin. Tapi nembrakkeun palasipah kasaimbangan. Ceuk sakaol taya deui jalan pikeun ngajaga...

  • DIARY

    Tapak Lacak Duduh Durahman

    NGAGUAR tapak lacak Duduh Durahman di Perpustakaan Ajip Rosidi, Jl. Garut No.2 Bandung, Saptu (28/5/2016) lir...

  • Pamekar Basa

    Fragmén Éntog Mulang

    RAS ka hiji wanoja. Moal dibéja-béja saha-sahana. Manéhna nu kungsi adek jeung lelembutan. Najan teu kungsi...

  • Pamekar Basa

    Festival Naon keur Saha?

    KIWARI Kota Tasikmalaya haget ngagelar féstival, boh nu aweuhananana lokal boh nasional. Malah nu aweuhanana nepi...

  • Literasi Media

    Karep Nulis

      CENAH nulis téh bangga. Teu ngabibisani, najan dina pikiran mah geus teu kawadahan bahan nu...

  • Komunitas

    Keurseus Budaya Sunda

    PASANGGIRI Mojang Jajaka (Moka), lain saukur kontés ragawi. Sanajan teu ngabibisani, tangtungan lahiriah jadi salah sahiji...

Terhangat

BÉDA rasa, kecap 'nangtung', 'dahar', saméméh dianteur ku kecap 'jung' jeung 'am'. Kecap anteuran ngagambarkeun mimiti migawé. Kecap 'dahar' bisa waé ditapsirkeun eukeur atawa geus dahar. Tapi mun 'am dahar', nu kacipta téh ngamimitian ngahuap. Sarua jeung trét nulis. #preposisi

About 14 hours ago from Duddy RS | Solilokui's Twitter via Twitter for Android

Ke Atas
%d blogger menyukai ini: